فلس للهدايا و الكماليات

المحل دايما امر عليه في سوكو الافنيوز ولا ادشه .. قررت ادشه اليوم بسرعه

المحل عنده كماليات مثل مسابيح و اشياء رجاليه

 

بس احلى شي بالمحل الاشياء الاثرية

 

نسخة من ختم الرسول صلى الله عليه وسلم

  



كسوة الكعبة المشرفة

مفتاح الكعبة المشرفة

مجموعة عملات قديمة ..و منها العملة الكويتية تنباع لخمس دنانير

كاميرات قديمه و رادو قديم مغبر !

 

اعتقد بشتخته المهم شي قديم ههههه

 

طوابع قديمه

 

المحل يناسب الي يحبون تجميع الانتيك و الاشياء قديمة و فيه كماليات للرجال ...و الاشياء القديمه تكون غاليه في اشياء توصل لي سعر 4000 دينار

 

مثل ما قلت ينفه حق هواة التجميع

PAUL

PAUL من المطاعم الفرنسيه بالكويت 

له افرع عديده بالمارينا مول و بالافنيوز و الكوت

اهو مطعم و بنفس الوقت مخبز

المطعم يختلف عن مطاعم الشايع .. الموظفين حبوبين نفسيتهم حلوه و الحلو في سياسته ان  عندهم بريك ومن حقهم يختارون اي شي يبونه من الاكل ، اي نعم سألناهم !  

ومن كثر ماحبونا قدمولنا حلو كضيافه منهم  

المطعم يوفرلكم الريوق والغدا  + عشا و الحلو والقهوه

اول شي الريوق

الطبق الاول اومليت الخضار و هوت جوكلت 

الثاني كعكة الزبيب " متوفره طول اليوم ، بس هذا ريوق الراقين " و كافيه لاتيه 

ريوقهم ككل حلو ولذيذ 

الغدا+العشا 

سلطاتهم غريبه شوي مو من الي متعودين عليهم جربت جم وحده كانوا زوينين 

و في سلظة بيتنا يحبونها فيها تفاح يمدحونها

الشوربه 

الاولى مشروم وايد حلوه احبهاااا

الثانيه كانت عدس "شوربة اليوم" حلوه ومن شوربات الي تخص يوم معين البروكلي هم حلوه 

طبعا اول ماتقعدون يقدمولكم خبز وزبده وزيتون

 من الطلبات الي جربناها الاوبن و الكلوزد ساندويش ، في اشياء غريبه مثل تيركي مع البري جيز وكراميلايزد اونيون طعمها حلو وغريب و هم من الي جربناه الاوبن ساندويش كانت دياي مشوي مع مشروم وفلفل اخضر و احمر و سويس جيز وايد حلوه 

جربنا الستيك عندهم ماكان حلو وايد .. زين 

البيرقر حلو 

وجربنا الدياي بالكريمه عندهم وايد دسمه ما انصح فيها 

واحلى طبق حق الي يحبون الاكل البحري 

سالمون مشوي مع خضار و بطاط مهروس 

اول مره اكل سالمون بمطعم و يعجبني ، حاطين صلصة ليمون كريمي حلوه بس احسها ثقيله ، الطبق وايد صحي بس بدون الصلصه

 ومن الاطباق الحلوه الي جربناها صدر دياي مشوي ايي معاه عيش و اسباراقوس مشوي ملفوف ببيكون واختياركم من صلصة الفطر او الفلفل الاسود 

الحين اهم شي الحلو 

الحلو عندهم صج حلو ينفع حق عشاق الفراوله 

الاولى اكلير مع فراوله وايد حلوه انصحكم فيها 

عندهم مكرون انا ماحبه وايد لكن فاطمه تعشقه ورايها كان ان المكرون مالهم زوين بس مو بمستوى لادوريه 

الشيزكيك عندهم حلوه الجبن كريمي و البسكوت لذيذ

اخر وحده اهي العجيبه تارت الفراوله انصحكم فيها 

عندهم جوكلت فوندو ، كيكة ككاو داخلها ككاو حار مع ايس كريم ، مرات يضبطونها و مرات لا ، بس ككل زينه

القهوه عندهم  حلوه من الي جربناهم اللاتيه و الكابتشينو 

الاسامي بالمنيو مكتوبه بالفرنسي هذا الشي المليق لان لي يينا نطلب لازم تفكر شلون تنطق الكلمه ، المهم يمدحون التأشير 

المطعم يستاهل 9 شطيرات! 

Melenzane

المطعم بداياته بالبدع .. تميز بديكوره الغريب .. اثاث مقلوب

كنت احب اروحله خاصة بالشتا كانو يحطولنه كنابل

good customer treatment  :D

المهم المطعم وايد احبه لان صاحب المطعم يقال يايب الوصفات من قلب ايطاليا الى الكويت

ميلينزاين اعتقد معناتها باذنجان .. منو مايحبه !! اموووت فيه و خوش اسم للمطعم

 نبدي بسم الله

complimentary bread

اول ما تقعدون ايبونه .. لذيذ الخبز فيه صلصه طمام و في مشروم

Karchofi ragu

سلطه فيها جرجير و بارمزان و كرات لحم

اللحم ترف ترف و لذييذ استانس اطلب سلطات من المطعم من كثر ما اهي حلوة

verde sicilia : سلطه ثانيه انصحكم فيها اهي

Catania calamari

كلماري, الي معاي قالو حلو .. انا مو من محبي الكلماري وايد لكن ذقته و كان حلو

Ricco morso steak

شي لذيذ عباره عن شرائح بطاطه حلوة اعتقد و قطع ستيك صغار معاهم صلصع تخلي كل شي يذوب و حواسك يصير فيعا بووووم بوووم !

احبه

Melenzane casserole

باااااذنجاااااان , طبعا من اسم المطعم اكيد لازم يتفنون بهالاكله ..معاها صوص طماط و جبن ..جبن واااايد و يحطون خبز عالاطراف ..الي يحب الباذنجان بحبه

 Baked bolognese

طريقة التقديم بروحها حلوة

الطعم لذيذ و حبيت ان الباستا نفسها مو وايد لينه ,يابسه تقدر تستمتع فيها ..اصليه

نسيت اسمها بس عباره عن ديايه و فوقها بيديان و جبن سايح

المطعم يتفنن بالبيديااااااان

هم ماذكر الاسم بس الطبق معروف ستيك في بقسماط و فوقه جبن

السايد تقدرون تخلونه باستا او بطاط و البطاط انواع , انا احب بطاط مع جبن او اوريغانو

 lemon chelli

الي يحب الليمون بيعجبه .. وايد يازلي

الي يمه اسمه

berry buzz

حق الي يحبون التوت و هالسوالف

تقييمي

 the best italian food in K-town

صح ساعات ممكن يكون ثقيل , بس شنو تتوقعون من مطعم ايطالي معظم اطباقه فيها جبن .. و الباستا معروفه مو خفيفه

الاكل كله لذيذ و وايد يمدحون جبدة الدياي بس انا ما اكلها لكن ممكن تجربونها

والله اعطيه 10 شطيرات   

De brand .. Chocolate

سوق الذهب اليديد .. فيه محل يبيع كاكاو .. مكانه شرح والديكور يفتح النفس و الحلو ان المكان هادي و فاضي ماعليه زحمه  

المحل ذكرني ب godiva

بس غير لانه فيه قعدات و اعتقد الحين يقدمون اكل 

جربت القهوة "كابتشينو" كانت حلوه زينه 

الاهم اهوا الكاكاو 

اول ما تدشون تلقون سطرة الكاكاو 

 من المميز فيهم الكاكاو الي على شكل بيض كل بيضه لها نكهه غير عن الثانيه ، شكل و طعم 

وعندهم  قالب من كاكاو و داخله قطع كاكاو صغار الشكل وايد مميز و الفكره حلوه ينفع اذا عندكم مناسبه وودكم تتميزون الحل عندهم و الحياة تحلى بالكاكاو 

طبعا احنا ماخليناهم غطينه كل الاسئله الي راح تخطر في بالكم 
القالب يسلمونكم ياه بارد لازم تطلبونه قبل اربع ساعات  او اذا كان متوفر يسلمونه لكم ، سعره مناسب و تتراوح الاسعار على حسب نوع قطع الكاكاو الي انتوا لكم الخيار باختيارها ، واخر شي القالب يتم بارد معاكم لمدة ساعتين 

الكاكاو لذيذ و لما تدشون المحل ودكم تجربون كل شي عندهم من كثر ما اشياؤهم تجذب و مميزه 

الصدمه كان هذا ! 

\

 شكلهم غريب و يخرع اذا دققتوا عدل ! طعمهم كلش مو حلو كانت تجربة فضول ان شاء الله ماراح تنعاد

عندهم كاكاو بار الي يصير نفس كاكاو الجمعيه بالشكل مو بالطعم لان هذا اكيد احلى ماجربناهم لكن اعتقد انهم حلوين 

واهم شي انهم يعترفون بالمناسبات 

اسعارهم وايد معقوله وزينه مو غالي ، متوسط الاسعار 

الكاكاو لذيذ .. والنكهات وايد ، تقدر تاخذ اربع قطع و اكثر 

خذينا قوطين فيه اربع قطع و بار كاكاو 

وهذا حسابنا

جربوه ومتعوا حواسكم بالكاكاو .. عليكم بالعافيه مقدما 

تقييمنا له 8 شطيراات!  

center point

منو ما يدري انه بطل بالافنيوز حسيته وايد عود و شرح

حاشني اكتئاب اول ما شفت اغراض المدارس بس تمام في وايد اشياء

و قسم جناط و اكسسوارات

و جواتي فيه ماركة بوما و فيه ماركات اخرى فيها اشياء حلوة

و الي يروح لا يشتري هالقميص ههههههه

المحل وااايد شرح و عود في قسم اكسسوارات ونيس و قسم ميك اب ..يعني من كل شي شي !

بس كلش ماعجبتني طريقتهم ان اذا بتشتري شي خاصة من الاكسسوارات لازم احد يوقف على راسك و يعطونك رقم تعطيه الكاشير .. مو حاله ! و اذا رحت كاشير ثاني تنطرهم ينادون الموظفين اييبون اغراضك , انا نطرت ربع ساعه لاعت جبدي و ما شريت شي

حلاته تروحوله الصبح اتوقع مو زحمه نفس الليل