استانست لفكرة المطعم المصري نفسها ,و بما اني كنت توني راجعه من مصر صارلي فتره و ولهت على اكلهم و قلت اجربه
اول ما وصلت طلع المكان ضيج وايد مارتحت بالقعده .. بس قلت ميخالف يمكن الاكل يسوى
قعدنا و بسم الله
و القلب يحب مره ميحبش مرتين
أول ما تقعد يحطون ترمس ..حسافه مو حاطين فيه شطه و ليمون نفس مصر .. بس يونس
أول الواصلين ,عصير ليمون تحطه على رشدي اباظه
:)
في المنيو في قسم اسمه اللمه الحلوة, هذا الطبق اسمه شم النسيم ,فيه فول,متبل,حمص,فلافل,سمبوسه جبن,سمبوسه سبانخ
و سلة الخبز يحطونها اول ما تقعد و معاه
لحد الحين كان الطعم جدا عادي ماحسيت في شي مميز و توقعت الفول يكون احلى
chicken scalope
مثل ما تشوفون حجمها كبير يونس ,الدياي حلو و الصلصه مشروم ماشيه
أول صحن اهوا الكشري ,اقل من العادي اقدر اقول اني ذايقه احلى..
ثاني صحن فته,لو مصر يشوفونها ينتحرون! وايد دياي ما تحس بطعم الفته و الروب الي تحت,معاها صلصه ليمون
صلصه حق الكشري و فلفل..شوي تحلي الاكل
بالنهايه للامانه الستاف حبوبين و الخدمه زينه, توقعت الاكل يكون احلى ..مابي اقول مو حلو لكن اصنفه عادي..عادي لدرجه اني ما افكر اروحله و اتعنى له مره ثانيه ..خاصه ان المكان مو ذاك الزود و ضيج
يفضل لو يغيرون الشيف,المطعم فكرته حلوه و الاكل ما وصل لمستوى الفكره !
اعتقد الناس مستانسين عالمكان و الديكور نفسه
تقييمي و الي معاي :
المطعم احذف عليه شطيرتين فقط لا اكثر
No comments:
Post a Comment