كوشي باشي من اشهر المطاعم التركيه من قلب الاناضول
المطعم وايد حلو ينفع للعشا
مكانه حلو و الاحلى ان المطعم مايكون زحمه والاكل لذيذ
طلباتنا اليوم من المقبلات
اول شي الحمص اللذيذ
السلطه وايد قريبه من التبوله لكن الفرق مافيها برغل و زياده عليها جرجير ، و الصلصه ليمون و دبس الرمان
انا حبيتها لكن فاطمه ما عجبتها وايد
الباذنجان عندهم لذيذ يشبه المسقعه بالمطاعم اللبنانيه
واخيرا من المقبلات الكبه الخطيره ... متبله على الطريقه الاناضوليه والي يروح المطعم لازم يجربها
عندي تعتبر اقوى كبه اذوقها
من الاطباق الرئيسيه
Doner
yogurt kebab
او المشهور بالاسكندر
tavok sis شيش طاووق
المطعم وايد حلو و لذيذ ، اطباق اللحوم ممتازه مبهره و متبله على طريقتهم و الدياي عندهم حلو
كل الاطباق الي طلبتها لذيذه ,اروحله مرة ثانيه بدون تردد ..نادر تلقى مطعم معظم اطباقه لذيذه..لحد الحين يعتبر افضل المطاعم التركيه
ممكن اعتبره من المطاعم المفضله
وانصح مع الاكل تطلبون لبن بالنعناع
الي راح يروحله عليه بالعافيه مقدما
المطعم من دون تفكير يستاهل 9 شطيرات !
No comments:
Post a Comment