لورنزو من افضل المطاعم للعشا و الغدا المتأخر
المنيو حلو و متنوع من الباستا و البيتزا و السلطات و الاحلى اهو الحلو والقهوه
كان الاكل عباره عن ثلاث اطباق .. ستيك و هامور و بيتزا
الستيك بصلصة الزعفران ... اول مره اجربه وايد حلو والصلصه حلوه الطعم شوي غير مألوف بس يستحق التجربه لذيييذ ..
بالطبق في سلطه و بطاطه حلوه مشويه
الطبق الثاني حق الي يحبون الاكل البحري ... هامور مشوي باختياركم من صلصله الليمون او كريمة الاعشاب ، اختياري كان صلصة الليمون ، الهامور حلو والصلصه حلوه ومعاه خضار مشويه ، انصح في بس لمحبي الاكل البحري مو الكل
الاختيار الاخير من الاطباق الرئيسيه اهو بيتزا الفونجي
تقدرون تقولون اهيا مارغريتا بس زياده عليها اعشاب و فطر
اخف والذ بيتزا ، عموما البيتزا عندهم حلوه بكل انواعها
واخيرا مايصير نروح ومانحلي عندهم
لازم القهوه الفرنسيه احلى قهوه ذقتها عندهم حتى الي مايحب القهوه وايد مايصير مايجربها
الحلو كان تغيير عن الجوكلت تشييركيك فاخترنا
killer pie
الكيكه بارده والبسكوت الي تحت لذيييذ تغيير عن التشييزكيك يكون الككاو الي فوق حار وذايب ، اثنينهم حلويين لازم تجربونهم
اخر شي من طلبنا اهو الايس كريم اللذيذ بنكهة المانجو و البيريز
لورنزو من المطاعم المفضله لي حق الحلو و القهوه يستاهل 8 شطيرات و 9 شطيرات فقط للقهوه الفرنسيه
No comments:
Post a Comment