اختياري اليوم لكم للغدا راح يكون من غاوتشو .. المطعم ارجنتيني يصلح لعشاق الستيك
اول شي يقدمون لكم
سلة الخبر مع الصلصه الخاصه
احلى شي الصلصه حامضه على حلوه وفيها زيت الزيتون و طماط و بقدونس
عباره عن تصبيره للياي
sausage enchilada
كان اختيارنا من المقبلات , التتبيله وايد حلوه الصوصج مبهر والصلصه عباره عن طماط و جبن سايح
وايد حلو انصح فيه
وبعدها و الاهم اهو الستيك .. اخترنا الستيك الي يكون متبل بتتبيلة غاوتشو الخاصه مع اختيارك لكل من الاطباق الجانبيه
Marinated Lumo / Grilled asparagus / mustard sauce
هذا كان الاختيار الاول
الستيك وايد حلو ترف ومتبل مافيه شحم حق الي مايحبون الشحم .. الطبق الجانبي كان هليون مشوي و صلصة المسترد
الصلصه كانت مو حلوه وايد كريمي و شكر لو كان المسترد الاصلي افضل ..
لان الصلصه ماعجبتنا جربنا صلصة الخبز مع الستيك .. الطعم غريب بس حلو اذا رحتوا جربوها
Marinated Lumo / Grilled mushroom / black pepper sauce
الاختيار الثاني نفس الاول لكن الاطباق الجانبيه مختلفه
كان الستيك مع فطر مشوي و صلصة الفلفل الاسود
الاختيار موفق الصلصه حلوه مو نفس المسترد , و المشروم شاوينه بصلصه معطيته طعم حلو
انصح فيه و انصح بصلصة المشروم من الصلصات الي ممكن تختارونها و ما تتحسفون او ممكن يكون من
دون صلصله لان الستيك متبل وحلو
No comments:
Post a Comment