The Cheesecake Factory ...

 من اشهر المطاعم الامريكيه .. رحتله اكثر من مره بس ما اعتبره من مطاعمي المفضله ، اكله وايد ثقيل لكن يستاهل التجربه 

اول شي تجربتنا للريوق كانت من اختيار طبقين 

  California omelette 

Avocado , mushroom ,Green onion , tomato , garlic and shallots , Sour cream , jack Cheddar and swiss cheese .

طبعا كان مع البيض التوست الاسمر و الماشد بوتيتو .. حلو بس وايد ثقيل يعني ينفع حق الي يتريقون متأخر و مايتغدون 

الطبق الثاني 

Factory Huevos Rancheros

black beans topped with cheese quesadillas , sunny side up eggs , spicy ranchero sauce , salsa , sour cream and avocado .

الطبق وايد حار ينفع حق الي يحبون الفلفل الوجبه قريبه من الاكل المكسيكي وطبعا دسمه للامانه ماقدرنا نخلص الصحن 

المهم المطعم يحتااج ناس يحبون الاكل واااايد 

الحين تجربتنا مع الغدا 

Chicken madeira 

sauteed chicken breast topped with fresh asparagus and melted mozzarella cheese , covered with fresh mushroom madeira sauce and served with mashed potatoes .

من اكثر الاطباق شهره بالمطعم ووايد يحبونه الامريكان ، البطاط وايد حلو فيه نكهه بس المشكله ان الدياي حاطيله بقسماط ومخرب طعمه ، الصلصه غريبه ، ماحبيت الطبق وايد 

Chicken marsala and mushroom 

chicken breast sauteed with fresh mushroom in a rich marsala sauce , served over bow tie pasta .

صدر دياي مع صلصة المارسالا نفس المشكله مع الطبق الاول من ناحية البقسماط ، الباستا كانت احلى من الدياي نفسه و الصلصه حلوه تنفع حق الي يحبون الكريمي باستا 

الاختيار الاخير من الاطباق 

Herb Crusted filet of salmon 

fresh salmon with a delicious lemon sauce , asparagus and mashed potatoes .

من الي لاحظته ان مو كل الي يحبون الاكل البحري ياكلون السالمون  بس انصح بتجربته مشوي وصلصة الليمون معطيته طعم ناطع 

مع البطاط وايد حلو ، كان تقريبا افضل من اطباق الدياي .

و اخيرا احلى تشيز كيك عندهم 

fresh banana cream cheesecake 

من الملاحظات الي سمعتها ان الكيك احلى لما تطلبونها بالمطعم مو take away 

هذه كانت تجربتنا المطعم ماحسيته واااو 

!تقييمي له 6 شطيرات