Slice

مطعم سلايس  مختص بالدونر اليوناني و الالماني, موجود بالديره عند سوق الوطنيه بالضبط

و من تجربتنا و الي شفناه ادارة المطعم كويتيه
و شي حلو بالمطعم عندهم ابلكيشن
nextpay
تدفعون منه , كان ما عندنا كاش و نفعنا ..

طريقه التطبيق جدا سهله تقدرون تنزلونه و تجربون 

نبدي بشكل المطعم ديزان المبنى حلو ..

المطعم مو كبير لكن يوفي الغرض لان شاورما مافي اطباق رئيسيه كبيره , و في ثلاث طاولات برا

عن نفسي اذا تعدل الجو  راح اروح و اقعد انصح المطعم يزيدون الطاولات لان اعتقد بكون في اقبال ان الناس تقعد

و احلى شي ان في مسافط توقف فيها و ما تتوهق

نبدي بسم الله

طلبنا و يعطونك جهاز تنطر , وايد منظم المطعم و الي طلبنا منه شاب كويتي نفسيته حلوة و نصحنا بشنو نطلب

يبنا الاكل و قعدنا . لازم لازم نطلب بطاط , و بطاطهم يبرد الجبد , متين و عود يونس و اعتقد راشين عليه بابريكا او بهارات , معطيه طعم حلو

 احنا طلبنا خبز صاج , ممكن تغير نوعيه الخبز

و ايضا انتو الي تنقون الصوص و الخضره الي تبونها داخل 

دونر لحم مع صلصه سلايس الخاصه اهيا تكون شوي سبايسي, و معاها ثوم, و خس , لذييييذه

دونر لحم مع صلصه سلايس و صلصه روب .و خس , عندنا احلى من الي فوق لان الروب معطيها طعم خيالي لذييذ جدا

ختاما المطعم حلو و متخصص بشي معين و ضابطه

عندهم دياي ما جربنا , في المرة القادمه انشالله

نعطيه 10 شطيرات عاللحم لان الصراحه عجبنا و بنروحله مرة ثانيه اكيييد

بس عندي تعليق عالدري مالهم ما ننصحكم تلبسون كعب لان ممكن يعلق بالفتحات ههههههه



ننصحكم ترحونله اكييييد

Chocolate and macaron

جوكلت اند مكرون موجود تحت بالرايه و له افرع عديده منها الافنيوز و جليعه

 

زيارتنا له كانت للتحليه و طلبنا كان شويه , لكن المطعم له اطباق رئيسيه

 

نبدي بسم الله

 

الي جذبني وايد , المنيو مالهم,انا شخصياً عشقي الفن القديم و عظماء الماضي .. نشوف منو حاطين

 

James dean

 

 Sophia loren

brook shields

 

الجميله دائماً فيروز

 

طلبنا بانوفي .. الي يحب الموز اتوقع تعجبه

 

قلت من الاسم لازم اجرب المكرون بما اني اعشقه .. كان في نكهة الرازبيري و دايجستف اعتقد

 

للاسف توقعته احلى .. كان وايد يابس حسيته ..المكرون انواع يمكن يعجب البعض لكن انا احب يكون ترف و لين

 

براوني دافيه فوقها برد ..حلوة تونس بس احس ماكانو ضابطينها و ممكن تكون احلى

 

 

ختمناها بجاي و قهوة بيضه

ماودي اقيم المطعم لان احس ابي اروحله مرة ثانيه و اجرب اكثر .. بس على هالاطباق اعطيه 7 شطيرات قابله للتغير

 

 





Maki

ماكي من اول المطاعم اليابانيه بالكويت ، وبعدها طلعله منافسين ، لكن نعتبره من الافضل ..

اماكنه : برج جاسم ، الصالحيه ، افنيوز ، مارينا ويفز 

نبدي بالاطباق الي نحبها 

من المقبلات 

ايدامامي بالفلفل 

الصلصه وايد ثقيله وفيها طعم زيت السمسم مو الكل يحبه ، انا افضل اكله بروحه هم يطلع حلو 

ومن الاشياء الي لازم تجربونها التمبورا شريمب ، ربيان مع اختياركم من البقصماط او الشعريه ، الاثنين حلوين 

وسلطة الافوكادو او الكراب ، فيها قبقب و افوكادو و سالمون ، حلوه ممكن تشيلون السالمون ، السر كله بالصلصه لانها سبايسي 

عندهم وايد اشياء تطلبونها كمقبلات ، تقريباً نصهم حلوين و مجربينهم 

الحين دور الماكي 

العشق الازلي 

عيسى ماكي 

لازم تجربونه ، مافيه شي مو مطبوووخ 

لذيذ ، بس العيب ان الصلصه واااايد ثقيله قبل ماكانت جذي 

كابازومي 

حلوه بس الحركه انكم تاكلون الي فوق اول وبعدين الخياره الي تحت 

وازاني 

قريبه من العيسى نفس الصلصه بس المكونات غير شوي ، اهما الاثنين حلوين 

كاليفورنيا 

مافيها صلصله و تنفع حق الي يحبون ياكلون اشياء مو مطبوخه او نيه ، شوي زفره .. بس ما نفضل هالنوع من الماكي 

واخيراً ... عندهم النودلز و العيش و في اشياء مشويه دياي او لحم ،،، المنيو وايد فيه اطباق مختلفه و الحلو ان مع الصور يعني ما تتوهقون كلش 

تقييمنا له 7 شطيرات !

Dean & deluca 2

احنا كنا مقيمين مطعم دين اند ديلوكا .. لكن بما ان كانت معظم الصور عن الريوق

حبينا نضيف صور للغدا او العشا

 

Goat cheese & nuts salad

 الي يحب جبنة الماعز بتعجبه و بتكون لذيذه

Dean & deluca maki

ما توقعته يكون حلو بما انه مو اختصاص المطعم .. لكن للامانه كان حلو

 

 

فطيرة سبانخ - لحم



السبانخ لذيذه لكن فطيرة اللحم كانو راشين عليها وايد فلفل اسود .. كلش مو حلوة 



Duck & mushroom rissoto

 

غريب .. الي ذاقوه قالو عادي يعني مو حلو وايد

 

طبق اسكندر لحم

وايد حلو عجبنا .. عموما اطباق شورما دين اند ديلوكا لذيييذه تطلبون معاها عيش او خبر و تكتمل الوجبة

 

 



Chicken shawarma
هم لذيذه و حتى المخلل الي معاها حلو

 

 

 







Nino

منو ما يعرف مطعم نينو يعتبر من المطاعم الايطاليه بالكويت ... موجود بالبحر و الحين بالافنيوز اكيد

الصراحة المطعم تقريبا كل اكله لذيذ

و الحين عندهم تجديد بالمنيو و اضافو اطباق يديه منها بلاتر فيه ماكي رول .. جدا حلو

طلبنا اليوم عينه بسيطه من اكلهم ما يمنع نشاركم فيها

لازم خبز و احط فوقه زبده و جبن البارميزان

 

BRUSSELS SPROUTS 

نوع من الخضار يشبه الخس لذيذ و فيه معاه قطع بيكون صغيره و صلصه خفيفه

 

CHICKEN & AVOCADO SLIDERS

 

انا عندي روتيني سلايدرز "اللحم" احلى.. لكن هذي لذيذه و تحس بالدياي طعم الاعشاب و البهارات و الافوكادو معطيها لذة

 

FILLETO PORCINI

ستيك مع مشروووم واااايد و بطاط على بارميزان لذيذه وااايد و نينو معروف الستيك الول دون عندهم ترف و يذوب بالحلج

 

LAMB CHOPS

 يعني ريش .. ذقته و حلو فعلا .. و معاه هذي مو صلصه تقريبا جنها حمص و هذي اعتقد مثل عجينه و فيها صلصه ذكرتني بالقبوط

اللحم طعمه حلو

 

 

 

 

 

بالاخير نينو عنده اطباااق اكثر لذه مثل الباستا والبيزا و في مرات يايه اكيد نروح و ناكل

التقييم طبعا لذيذ اعطيه 9 فقط لان من المنيو اليديد فيه جم طبق نقدر نقول مليق

شهريار..

احلى شي المطاعم الايرانيه 

اذا ماحصلتوا مطعم ايراني من طباخ الايرانيه نفسهم وودكم بمكان حلو و اكله حلو مالكم الا شهريار .. 

مكانه بقراند الافنيوز اهو احد سلسلة مطاعم الشيراتون يعني تلقونه هناك بعد .. 

استقبالهم وايد حلو ومن ناحية النظافه وايد نظاف ، الطاولات و كل شي نظيف 

استقبالهم مثل المطاعم الايرانيه ، لازم جبن و خضار 

طلبنا منهم شورية عدس 

وايد حلوه حاطين فيها زعفران ، انصح الي يحب العدس يجربها 

المقبلات كانت صنفين ، واحد من المقبلات البارده و الثاني حار 

برهاني باذنجان 

ميرزا قاسمي 

المقبلات لا باس فيها ، تصبيره حق الياي 

الاطباق الرئيسيه 

كباب بلغاري 

قطع الدياي و اللحم متبلين بالزعفران 

حلو الطبق حبيت اللحم اكثر من الدياي 

 اسطنبولي بولو 

العيش مع فاصوليا حلو حبيناه ، داخل العيش اللحم ، الطبق يشوق من برا وداخل 

شبزي مع عيش 

مايصير تروحون مطعم ايراني بدون ماتطلبونه حلو نفس باجي المطاعم بس كان يبيله ملح زياده

كورشت كارج 

عيش زعفران و مرق فيه مشروم 

مو حلو حتى الويترس قال لا تطلبونه ماراح يعجبكم ... والحمدالله ماكان احد اطباقنا الي اكلناها ، اذا رحتوا لا تطلبونه 

المطعم راقي بالخدمه و التقديم اعطيهم 10 على التعامل و الجو ، والاطباق اللي طلبناهم 7 شطيرات !