ليلى حالياً نقدر نقول ان من احلى المطاعم اللبنانيه من ناحية جودة الاكل طبعاً ، لما ناكل عنده تحس صج الطباخ لبناني مو هندي ولا فلبيني ، بالمعنى الاصح ضابط الطبخه
احلى شي المقبلات اللبنانيه
من طلباتنا
بطاطا بالكزبره او يسمونها بطاطا حاره ، متبله بثوم وبهارات حاره الي يحب الفلفل والبهار انصحه فيها
اول مره اجربه صوصج على طريقة ليلى ، حلو حاطينه بدس الرمان معطيه طعم ناطع ، اي نعم عجبني بس ماراح اطلبه وايد
و من المقبلات الي لازم نطلبها ... المحمره ، حمص بالصنوبر و فتة باذنجان
طلباتنا الرئيسيه
اذا رحتوا لازم تسالونهم عن طبق اليوم
جربنا عندهم المحاشي كانوا لذيذييين
من الاطباق الي دايماً نطلبها ، مشويات ليلى .. طبق من سيخ كباب و شيش طاووق و تكا وريش
الشي الحلو ان لحمهم ترف ماتغصون فيه بالذات بالتكا لان في وايد مطاعم مايضبطونها
لازم العرايس
اخر شي جربنا طبق توا يضيفونه بالمنيو
كباب بالكرز
من قبل جربناه بمطعم المياس ... بس ليلى وايد احلى حسيتهم ضابطينه اكثر ! الكباب منقوع بالصلصه ماكان ناشف و صلصة الكرز نفسها مغيره الطعم ... الطبق حلو ينفع حق الي يحبون التغيير وفي ناس مايتقبلون الطعم
المطعم ككل حلو يستاهل 9 شطائر!
No comments:
Post a Comment