Animation Station..

اليوم ان شاء الله بنغطيلكم موضوع كامل عن محل موجود بديسكفري مول الدور الاول ، يكون جبال السلم بالضبط 

Animation station

المحل من جهود كويتيه حصلوا على الرخصه من شخص ياباني من اصول فرنسيه لكن عايش باليابان ، الحمدالله ما واجهتهم اي مشكله مع الرخصه و شحن البضاعه لهم 

محلهم مرتب و كل شي متوفر فيه ، مايحتاج تطلبون شخصيه معينه لان كل شي يكون دارج بالسوق بتلقونه عندهم ...

الشخصيات تخص فتره زمنيه معينه من جيل ال 70 ، كل الببايات اليابانيه الي كانت تنعرض ذاك الوقت جسدوا شخصياتهم لكم 

فمن الطبيعي ان يكون المحل يجذب الكبار اكثر من الصغار ، والحلو ان الالعاب كلها ذات جوده عاليه ، يعني ممكن تلقون العاب فيها حجم ووزن ، و في اشياء مصنوعه من حديد 

طبعاً الاسعار تتراوح بين المتوسط و الغالي ، وماراح تلاقون شي بنفس المستوى ويكون رخيص ، كل شي له سعره 

المحل عجيب و منظم ، مافيه شي ناقص ينفع حق الي عندهم هواية تجميع الالعاب او اي شخص يحب شخصيه معينه قديمه راح يلقاها ان شاء الله عندهم 

وهذول بعض الصور ، دوروا الشخصيات الي تحبونها و سيدا على انيميشن ستايشن اشتروهم 

   

الالعاب احجام في الكبير و في الوسط و الصغير 

ماخلوا شي ماشاءالله عليهم وفرولكم الشخصيات الي تحبونها على كوب 

المحل منظم ومافيه شي ناقص ، اذا حابين تهدون احد شي وودكم تغيرون عن الاشياء الي تعودنا عليها بس عليكم تعرفون اي شخصيه يحب واشتروها ، واذا حابين تتواصلون معاهم بتويتر او انستقرام هذا الاكاونت 

@Ascollectibles

وتلفونهم 

+96566104666

احلى شي بالدنيا الالعاب ومهما كبرنا نتم نحبهم ويشوقونا 

لو بنقيم المحل راح نعطيه كل الشطائر الي عندنا 

الله يوفقهم على جهودهم