نابكت من المطاعم الي يحبها قلبنا
من معجبين سلطاته و ساندويتشاته .. لكن مع المنيو اليديد المطعم صار الذ و الذ
منيو برغر و اطباق رئيسيه يديده
مكانه بالافنيوز اكيد و برج بابطين
احنا رحنا الي بالافنيوز .. و بعد ما بطلو قراند قعداته الي تطل عليه برا شرحه
هذا المنيو العادي ,للاسف الويتر حتى ما نبهنا عالمنيو اليديد ,طلبناه منه و يابه
نبدي بالطلبات
كمدمني كاربوهيدرات ,الخبز اهم شي !
ادهنها بزبده و اموركم عال العال
Design republic
سلطه جرجير مع جبن الماعز و صنوبر و صلصه اكيد
الي يحب جبن الماعز بتعجبه,علياء يازتلها ,انا ماحب جبن الماعز وايد و هم عجبتني
Napket fries
لازم بطاط ,حلو اكيد و الي محليه الصلصه هذي شوي سبايسي و معطيته نكهة
Lasagne
كلاسيك لزانيا حليوة و تونس لكن الاطباق اليايه احلى
Washingtin burger
طلب علياء ,عجبها
عندهم هالبرقر الاكثر مبيعا
بسيطه و لذيذه جدا !مثل ما انتو شايفيبن داخلها جبن و بصل و طمامط فعلا حلوووووة
Martin Luther king burger
طلبي انا ,لذيذه بدرجه خياليه دمااااااار
فيها بصل كراميلايزد و طماط مشوي ,يمكن تقولون مو حلوة لكنها اقوى من كلمة حلوة .عن نفسي عجبتني اكثر من واشنطن
نسيت اسم هالسويت اعتقد جوكلت كيك
المهم ان ينفع حق الي ما يحبون السويت الي وايد حالي
فيه شويه مرورة
العصير هم لذيذ للاسف نسيت اسم الاخضر لكن كان اناناس وكيوي وشي ، والوردي بينك ليمونيد عباره عن ليمون و فراوله منعش و يونس
اخر شي تقييم المطعم 9 شطاير انصحكم بالسلطات و البرقرز ..اكيد بنروح و نشطب باجي المنيو متاكدين انه لذيذ
No comments:
Post a Comment