تجربتنا في مطعم شبستان
نبدي بالمكان المطعم يعتبر من المطاعم الفندقيه , بكراون بلازا و موجود في 360
زرنا الي في 360 مكانه بسطرة المطاعم اليديدة
بسم الله نبدي
اول ما تدش تلقى هالنافورة
و حاطين هالخامه مثل فاصل بين الطاولات عشان تاخذون راحتكم ونتو تاكلون الكباب
رسومات ايرانيه مع موسيقى ايضا تعيشك الجو
خلونا من الديكور و نشوف الاكل
و المنيو شكله حلو و كاتبين خوش امديد مادري شنو يعني بس تفائلنا ان الاكل يكون خوش !
كأي مطعم ايراني اول ما تطلب اييبون خضرا و جبن ابيض,حاطينلنا بس وحده قلنا ماعليه ورانا مقبلات
و هاذي طعمها جنه روب و خيار
كشك باذنجان
اقل من عاديه و اصلا ماندري ليش طعمها نفس الاش
زيتون بار
المفروض انها سلطه طعهمها غريب فيها يوز مطحون و فيها طعم حالي , ما يازتلنا بس اهون من البيديان
يابولنا خبز
كباب كوبيده
يعتبر طبق كلاسيك بالمطاعم الايرانيه,معظم اطباقهم معاها ثلاث انواع عيش ,ابيض و اصفر و عيش شبنت
العيش حلو لكن الكباب اقيمه 6 من عشر شطيرات عادي و ذايقه احلى منه,الي خبرة اكل ايراني ماراح يدش مزاجه
سبيشل كباب
طبق في ثلاث انواع كباب منه كوبيده و الثاني فيه خضره و الثالث يشابه الفيليه
الفيليه يازلنا ,علياء عطته 8 شطيرات
لكن انا اقيمه عادي
لازم مرق شبزي اكيد مع الكباب ..لا باس فيه حلو
كلينا الفلفل الصغير , يعطي طعم و تغير ههههه
بالنهايه عشان لا نظلم المطعم مقارنه بالمطاعم الي نفس مستواه يعتبر جيد و حلو
لكن لإكيله الكباب الايراني الاصلي ننصحكم في مطهم بابا طاهر
راح يكون لنا تقرير عنه
المهم شبستان جم نعطيه عطيته 7 و ودي اعطيه اقل , و علياء عطته 8
جربوه و شوفو اكله ممكن يعجب البعض
